［老人院］老人院的大碼寶寶

Clinical practice第二星期：老人院

由於老人院實在太近家住的地方，今朝一副不修邊幅的頹爆師奶樣子出門，懶到穿著黑色壓力襪加白色護士鞋，這個妝扮...簡直「前衛」到一個點，嚇到wardmates與tutor

老人院的公公婆婆很可愛，大部分都dementia（腦退化症），與他們的對答好攪笑

有些是無論你對他／她說什麼話題，他／她只會重複同一個point

我：婆婆，你頭先食唔食哂Ｄ飯呀？

婆：我八十幾歲都無痛風！

我：...婆婆，你有幾多個孫？

婆：話你聽啦，我八十幾歲都無痛風！

我：...婆婆，你聽力叻唔叻架？使唔使戴助聽器？

婆：我八十幾歲都無痛風！你信唔信呀？？

我：...婆婆，咁你好好休息下啦，我唔阻你啦...（薯頭通常都會用呢句作結）

有些會幫我們算命

婆：姑娘仔呀，你地真係好人士既姐～你個相都生得好好呀，耳仔細細，有福呀～

有些還會當我們是六位選美佳麗，逐一排出外貌的高低

小弟當然回避了這個令人傷心的時刻…

但是福不是禍，是禍躲不過

同學：婆婆婆婆，你覺得我地幾大呀？

婆婆指著最童顏的，笑瞇瞇：「你夠唔夠十八歲架？咁細個就出黎打工啦？」

婆婆再望望站在旁的小弟，再倒抽一口冷氣：「... 二  ...十...？？」

好吧，我…其實三十歲==

這裡的氣氛與醫院的不同，比較輕鬆，不用趕著，也沒什麼好趕，有很多時間跟公公婆婆聊天，練練Gordon Functional Health  Pattern（Year 1第一個會學的理論，有１１個patterns的問題，作為assessment）

而職員也超nice的！會特地叫我們去看看如果餵Ryles（鼻胃喉，直接將奶／藥由鼻引導入胃）﹑換尿片﹑transfer﹑派藥…還會一邊做一邊簡介當中的procedure，好親切。而醫院，真係是一個打仗的地方

日期：3 June 2013