［急症室］我個身穿左個窿？

急症室每日都有好多奇怪既事情發生...花生mode on既我，特登拎住手頭上既工作，企係附近一邊聽一邊做。

病人：「醫生，有個男人追我呀！佢係咁話我好靚，要我做佢女朋友，我緊係唔肯啦，又唔識佢，但佢死都要跟住哂。醫生，你要幫我呀！」
醫生：「點解你覺得佢鐘意你，想追你呀？」
病人：「我靚囉！點知佢姐」
.........

醫生唔知俾咩反應好，轉轉話題....

醫生：「你依家有咩地方覺得唔舒服呀？」
病人：「有呀～我覺得成個人無哂力，好似漏左氣既氣球咁呀～醫生！我個身穿左個窿呀！好大個窿呀！你快d救我，幫我縫返佢啦！再漏氣我就會死架啦！」
醫生認真一問：「你幾耐無食藥呀？」

......（此時精神科醫生已到）

醫生：「不如入房見見精神科醫生先啦」
病人：「咩！我無事呀！我唔見呀！」
如是者大吵大鬧，幾位醫生及護士都圍住病人，誘導佢走入專門for精神病患者的診症室，亦成功關左佢入去，由精神科醫生診斷。

此時，我都完成左手上既工作，返回岡位繼續做做做...

原來護士既一心多用是這樣練成的😂重點係：對耳朵特別靈

日期：21 May 2015