［泌尿科］兼職小護士的第二天

用心照顧病人，即使是小小的一個幫忙，他/她都會感受到溫暖

今日好開心，因為幾位婆婆同伯伯都讚我係一位好有心既好姑娘，事源可以只是簡單地幫他/她倒一杯水，換塊膠布，舖返好張被其實small potato的我淨係可以係細微既地方幫得上忙。

有位婆婆柯唔到尿，谷住谷住好辛苦，我就幫佢插尿喉放尿。開哂set戴埋sterile gloves先發現唔記得拎多條尿喉做保險，而又好難分得出邊個窿先係真既唯有更小心，望真d，務求100%插中🙈好感恩可以一次ko，由收到order到執野，仲換埋條片先插，15mins內完成，唔使令patient受咁耐苦🙈一放左尿，婆婆捉住我手仔，不停咁講「姑娘，好彩有你幫我，我谷左成朝都柯唔出，依家舒服好多啦」

有位叔叔縛哂雙手，我每次經過都只係簡單一句問佢口唔口渴，餵佢飲水，但咁簡單既事對佢黎講係好大既忙，佢每次都好有禮貌咁講唔該姑娘

護士雖然唔似醫生咁辦大事，但每件細微的小事都好幫到病人解決當下所需。每句唔該，每個讚賞，都是每日工作既動力同鼓勵所以唔好吝嗇每句說話

希望呢顆對工作既熱誠可以一直無止境咁燃燒落去

【兼職護士 vs 護士學生】
雖然淨係做左兩日做TUNS，但已經feel到同做student個陣有好大既分別

TUNS係ward既manpower，甚至係potential staff，所以大家都會對你好好好錫你連個poly個student都feel到呢個唔同。Miss ar sir會問你叫咩名，會叫你個名而唔係「同學」，甚至會叫我做「姑娘」真係有d受寵若驚。每次我叫佢地miss，佢地都會話「唔好叫我miss啦，叫我做xxx就得🙈」但我只係一個year 3小jj學生，唔夠疆直呼其名，都係戴定頭盔講返句「我學生黎架炸，miss。」

返工好開心呀
我認我有點兒工作狂ＸＤＤＤ
加油！要快d熟哂ward routine！！

日期：21 Jan 2015