［泌尿科］黑氣愈來愈重？

最近愈來愈黑仔，是日忙到髻都甩，連ou同學仔都話見我瘋狂chick cheuk咁轉...個ward大大話話都五十米長，全日由街頭行到街尾又再返街頭，因為手套、紗布、針頭、鹽水、alcohol pad...都係哂街頭🌚不停refill物資塞爆那唯一的衫袋...

「姑娘！！！！！」伯伯驚慌地呼叫，我馬上跑去看，又有病人「放血」！地上有數十滴鮮血，床邊也沾上一點。

伯伯：「姑娘頭先幫我拔左個鹽水豆，叫我按住止血，但咁啱有電話我就去聽，點知一唔按住，d血就標出黎」
Oh shittt！袋裡的手套又用完
見伯伯狀況ok，他手上也有一塊紗布，一邊叫他繼續按住，一邊又再由街尾飛奔上街頭取手套～
畢竟是鮮血嗎...還是先帶上手套保護自己。

兩三個小時內transfer兩個病人去另一個病房。
第一位婆婆懷疑膽石，urgent照肚超聲波，一邊照一邊叫，影響醫生看圖，照完又照...
第二位伯伯今早的GCS（病人的狀況）還是15分（滿分），但在轉病房時愈來愈不清醒。在transfer的過程中，伯伯還會間中叫兩叫呻吟，但當去到另一個病房時，那邊姑娘不斷叫他也沒反應，用上病房三大酷刑「捽耳珠、銳雞心、銳鎖骨」（想當年急救老師只用一成力度銳我鎖骨，已痛到我叫出來！）但酷刑之下，伯伯依然沒什麼痛的反應今次xx了，馬上被西面，因為送了個跌GCS的病人給他們。

呀sir立即為伯伯駁上心電圖，又加密至Q1H obs...sister致電上我的ward質問，非常躁底地咆哮「GCS點睇都唔似15分啦！」

我這可憐的小薯仔從旁輕聲辯護（彷彿有點理虧）：「伯伯頭先transfer都係咁，但佢識叫架...一直都有反應...」

誰料當一切settle down，過了床，伯伯又再回復反應，繼續呻吟，這才放心一點。

接著就由我這位small potato向呀sir交更。紅都面哂，不是因為呀sir靚仔，而是作為學生的我要向staff交更實在有點底已淆。
呀sir很好，知學生交更會緊張，語帶鼓勵地說：「唔使急，慢慢交」
幸好sister事先向我清晰交代要交更的事，搭lift的短時間內也briefly看了排板一次，才完整地到交更。

再回到工作的病房，還是馬不停蹄，又照ultra-sound bladder，又留CSU，又round片，又執床，又餵餐，又幫病人換衫，又駁cardiac mon...忙到連上廁所的時間都沒有。

今日實在太忙，太累了...
累到回到家中，在床上坐著呆著也睡著了。

日期：7 Feb 2015