［兒科］令人心痛的小寶寶

有時出ward會出到有d無力感，特別係見到小朋友suffer

一個得50日大既bb，佢既血小板竟然得6，正常>100，好易撞損而止唔到血...tutor帶我地去睇bb手上既紅點，唔小心整醒左bb，留下爸爸慢慢咁柯返bb訓覺

另一個六個月大的bb，一出世就腦出血，至今仍呆呆滯滯好drowsy
見到佢肥嘟嘟既面仔，咁可愛既bb應該係開開心心無憂無慮咁成長...
但就要插住喉，每日昏昏睡睡咁訓醫院...當今日聽到tutor話呢類既bb既prognosis通常好差...個刻好心痛，佢仲可以活幾耐？幸好佢有好愛佢既父母同屋企人，每日都黎同bb傾計，特別係佢爸爸，見到爸爸咁用心照顧佢，又好helpful，更加覺得女人真係要嫁啱老公

有位15個月大的bb，因為媽媽IV drug addict又STD，佢一出世就做大手術，至今未出過院，亦被媽媽拋棄...佢連身上既bb衫，床上既玩具，都係護士自資買俾佢
佢好想有人同佢玩，但無咩人得閒同佢玩...我地呢班學生係呢個時候除左學做白衣天使，仲可以做佢生命中的其中一位天使其實就係同佢玩
佢有developmental delay，歲幾女連坐都坐唔穩，連單字都唔識多個...咁都唔難怪既，醫院個個都戴口罩，bb睇唔到嘴型，好難學說話但今日同佢玩，突然聽到佢一句「姐姐」，成個心都溶化左我仲獻出第一次幫bb換片既經驗俾佢幫bb換片真係輕鬆好多，好似捉兔仔咁一手捉住兩隻腳仔，點換都得
Bb，希望你將來會遇到對你好既人

一個17歲的男孩全身癱瘓，16歲前健健康康，但有日無故發病以至癱瘓至今...每日幫佢bed bath佢都會好緊張好驚，全身抽筋，心跳由每分鐘100跳到150-160（正常60-100），血含氧由100%跌到40%都試過（正常>95%）...個刻我會諗，17歲的我在做什麼？如果訓係床上既係我，我會點？

打從第一日讀nursing開始，老師已經同我地講過，做護士要有empathy，當病人係你/你家人，你就會知道應該點去care佢先係最好。

出兒科的確見到好多得意小寶寶，但正因如此更令人心痛雖然小弟不曾為人父母，但也感受到子女的健康才是父母最大的心願，而每個人健健康康就是最大的祝福

日期：6 Jan 2015