［泌尿科］最關心姑娘仔的婆婆

近日下起毛毛雨，天氣轉涼了，但作為食物鏈最低層的兼職小護士只可穿短袖上衣。縱然內裡也多穿一件短袖衫，但在經過戶外地方仍是有點冷冷的。幸好病房的溫度適中，加上全程無休，忙、忙、忙，就算手上沒工作，都要走來走去扮忙。同行的，你一定會明白扮忙比真忙是更高的境界，所以每次下班都極累是有原因的。

婆婆們最喜歡小護士，因為我們會比較有空去與她們聊聊天。

婆：「姑娘仔，你得短袖凍唔凍呀？陰公囉，我成日見你地著得咁少，見到都鄧你地凍」
我：「婆婆，我唔凍呀，因為成日都走黎走去，都幾多運動量架，有時仲會走到出汗」
婆：「果然係後生女」

婆婆很會關心小護士，除了會問我冷不冷，還會問我餓不餓
婆：「姑娘仔，你仲未收工咩？」
我：「未呀，仲有成個鐘，依家先一點」
婆：「咁你食左飯未呀？」
我：「未食呀，要收工先有飯食」
婆：「咁晏都未食飯0.0咁你上一餐幾時食？」
我：「830am啦，有時730am」
婆：「咁你物餓左好耐陰公囉🙈」
我：「係呀，所以你地中午呢餐要食多d，食埋我個份」
婆婆聽到這一句都會笑到見牙不見眼紛紛表示一定會吃多一點飯！
有時餓到見到puree（糊餐，一堆攪到完全爛到只有糊狀的食物）都會肚子打鼓

其實...即使2pm收工，但還要換衫、乘車回家，所以每次返A更，我的午餐都要3-4pm才可以吃，其實這是下午茶？

但神奇的是...縱然每天返工都走、走、走，又食無定時，有時甚至只吃早餐和晚餐（skip lunch），但竟然都沒瘦下來！！！

日期：6-7 March 2015