［泌尿科］我的Market還是離不開叔叔伯伯層？

有留意小弟關於醫院的分享文而心水清的你，都會發現小弟在伯伯的層面頗吃香除了常被問高度外，也常常被伯伯問我status，「姑娘，你拍拖未？」「姑娘，你結左婚未？」

老娘不禁倒抽一口涼氣

昨日問我幾高的伯伯，今日又「撩」我吹水

伯伯：「你係咪米七幾呀？」

我：「係呀，172呀，係咪好鬼高」

伯伯：「唔怕，女仔高唔太怕」

我：「搵男朋友難搵呀，依家d男仔咁細粒（見此文而又細粒的男生別打我）」

伯伯：「哈哈，男人都無你咁高一係你都搵返件王祖藍啦」

我：「（扁嘴皺眉頭）唔要～」

伯伯：「咁又係，企埋一齊唔好睇如果你無男朋友，我介紹我個仔俾你識啦，佢178cm」

我笑而不語，心諗，是咪要狗衝？

另一位叔叔有MR（智障），昨日早上初見時，他對我不瞅不睬，連幫他量血壓都扭計發「meng zeng」，餵他食飯又幾乎噴到我全手都是飯...

他是每小時都要量血壓，每次我都會與他閒聊，雖然他不會說話又不會回應我，但我早已練到自言自語的無人之境

今日他雙眼bling bling地望著我，餵飯又很乖地吃光，連姐姐都「吃醋」話「餵你又唔食哂佢，識揀靚女姑娘餵就食哂」

每次見到他都會手執一張紙巾，當玩具？今日餵完飯，他竟然把手上的紙巾遞給我，我問「送俾我呀？」，他點頭，很可愛ＸＤＤ而我當然接過紙巾...幫他抹嘴，再撕一張回贈給他，「拿，送返張俾你～」他望著我微笑。

雖然考試逼近，paper又未做完，剛剛的星期六才完了實習，但又緊接地返兩日工，連返三條A，每天清晨五時許要起床，但晚上又沒有早睡，每日都只睡得四五小時，實在很累很累...累到...我今早遲了起床，已六時多，疲累的身軀很想再攤回床上，腦海中loop了無限次call sick leave的設計對白...但也許我沒有guts，也許我不會說謊，也許我著重承諾，所以最後call sick的想法只停留在想的層面上，身驅還是屈服了，死氣氣地起床，趕緊出門，0700剛好踏入病房

說了這麼多，我想表達的是，護士這份工不僅是工作而已，還是一種責任和承諾，而好的同事，乖的病人，工作間得到的讚許，工作裡得到的滿足感，足以支撐每日疲累得快要死的身驅，所以不要吝嗇你對醫護人士的感謝之情，少少的鼓勵說話，足以驅走當天的疲憊。

快要放工之際，還被ar sir讚我醒目☺️我當然打蛇隨棍上地回應：「我好想係度staff ar！」

Ar sir：「係就好呀，等我有機會幫你係經理面前美言幾句」

我：「好呀好呀☺️☺️」

真的很喜歡這裡☺️

假如這個病房令我返的很大壓力，不開心，也許今早的我，一早已call sick leave了。

打完文，安心做條訓覺的鹹魚補一補眠，各位晚安～

日期：20 April 2015