［泌尿科］又插尿喉啦

是日又再孤身走天涯，無其他TUNS，連students都無...絕對係一個練成take obs（量血壓）摩打手的機會！其實，我都知自己有時take得比較慢🙈唔打緊，要一次比一次進步！

今日又有Foley（尿喉）插，係一位全頭白髮的婆婆。女人Foley，都係拎多幾條穩陣呀，當然最好一take過，唔想用得著其他啦🙈但呢位婆婆睇黎都生過好多件，好難搵個窿窿，小護士碌大眼咁望左好耐（我都唔好意思望人地個度咁耐架，但好過插錯）。

一插，ehhhh...無尿出既...心中已大叫gg= =難道千年道行一朝喪？之前都百插百中架...此刻底已淆，唯有除左無菌手套，再開多條foley啦，插埋另一個窿（其實真心覺得唔係另一個窿，但之前個窿無尿出，都無計，要試埋佢）
再插，心中暗暗&""¥~£_+[<\*]+，又無尿！今日咁失敗？此刻，底更淆...
由於已經再無第三個窿俾我插，加上都唔應該再試啦，婆婆都suffer緊，唯有拎定多一對正常女仔size既無菌手套（其實我對手真係男人size？😑ps：我戴七號），再去搵miss求救🙈miss同我研究左一陣，發現原來我第一個插既窿係啱既，無尿係因為佢剛剛從3-way尿喉轉呢個2-way尿喉，所以先無咁快再有尿。

是次教訓：做野要識轉通，今次有點大意，也有點takes oriented。我經常會諗，staff左之後點樣先可以既做到到，又做得好，因為我地對住既唔係一部無感覺既機器，而係一個活生生會痛會有情感會有反應既病人。依家做細既，會比較多時間去做patient psychological caring，埋床同佢地傾下計，好似take緊BP，等緊result個陣，簡單既一句「早晨，覺得點呀？」可能會令病人覺得自己唔係一個床號，而係一個病「人」。

好啦，插完喉無尿S呢，唯有灌（勸）婆婆飲多d水啦～半個鐘後再睇下有無尿出
我：「婆婆，飲多d水啦」
婆（擰哂頭肩哂嘴）：「5555555」
我：「乖啦～飲多d水有益呀」
婆：「個杯都唔係我既！」
我：「...婆婆...個杯寫住你個名架....」
婆：「你做咩鬼逼我飲姐！（肩嘴）」
我：「婆婆，清水黎架，絕無添加，你睇，透明架～再睇下，我係你個水樽倒落去架（即場倒）」
婆：「你個衰婆！！！做咩係都要逼我飲姐，你有咩居心？！」
我：「...婆婆，飲水...對你好呀...」
結果灌水不果，唯有暫時敗退先...
當然，小護士點會咁輕易就放棄呢幾分鐘後又再返黎，搏呀婆唔認得我
我：「婆婆，飲多d水呀～」

婆婆竟然好乖，好似bb咁啜個水樽
所以～半個鐘後，尿袋終於有尿啦！我同miss都鬆一口氣，無插錯

老人家真係好似一個大碼bb

日期：27 Feb 2015