［骨科］如果可以，你會愛我到最後？

「你」未必是第一個愛我的人，但「我」相信「你」會是愛「我」愛到最後的一個。

相愛容易，相守困難。
如果可以相愛相守到最後，珍惜！

今日在病房見到一對令人稱羨的老夫老妻，伯伯和藹可親，婆婆彬彬有禮，兩人面上時常掛著相同的笑容。年紀大了，婆婆有點腦退化，脾氣也變得時而溫馴，時而暴躁。但每次伯伯探病的時候，婆婆都是最乖的小寶寶。

今日婆婆要去做手術，伯伯探病時間見不到愛妻，知道她入了手術室，樣子顯得擔心，不停問著婆婆什麼時候會回來，又擔心婆婆做完手術會肚餓，想買好東西等她。因為我們的確不知道手術什麼時候結束，所以叫伯伯別買了，東西放涼了放久了不好，但他還是把食物買來了。

我親自送了婆婆落手術室，幾小時後，也落手術復甦室接婆婆。誰料一出病房，就見到熟悉的身影坐在病房門外的長椅，閉著眼睛帶點累容休息著。看清楚一點，原來是伯伯，我走過去輕聲一問「係咪xxx個先生？」，伯伯立即露出招牌笑容「係呀」，「伯伯，我依家落去接婆婆上黎呀，好快就可以見返佢啦」，伯伯聽到更開心，開心到恨不得跟我落去一同接婆婆。

婆婆手術順利，也恢復意識，雖然有點累。我跟婆婆說「伯伯一早係病房等你啦，佢真係好錫你！」，婆婆聽到，面上露出甜得不能再甜的笑容，「係呀多謝你呀姑娘」

上到病房，伯伯很心急地跟著我入去，站在病格外等待，待一切安頓好，伯伯終於如釋重負，甜絲絲地望著愛妻。又怕她肚餓，想回家買點食物再帶回來，但那時已9pm，一來一回需時，而且伯伯今日應該都累了。大家都勸了伯伯好幾回，「伯伯，唔好返去買啦，咁頻撲，醫院有粥呀，我地叮返熱再俾婆婆食啦，你放心！醫院唔會餓親婆婆既！」 把粥叮熱後，伯伯捧著熱騰騰的粥，一口一口細心地餵婆婆。見到伯伯如此溫柔體貼，婆婆馴如羔羊，此刻的他們活像世上最幸福的一對，眼裡只有對方。

他們做到了相愛，然後相守。

如果可以，你會愛我到最後。

 --------------------------

是日病房正能量的小分享，多謝收看～
打返出黎，都甜埋一份，是細水長流的一種甜絲絲，的確驅走唔少近日憂鬱的霧霾情緒，感恩我係個容易開心返既人。
不過如果我好似女主角咁搵到佢既「加應子」，會更開心，一定甜到糖尿病

日期：14 March 2016

［骨科］有一條原罪叫學生

第一次出實習出到咁嬲，原來呢個世界真係有「莫須有」，撫心自問，我地無俾過屎個ward食，無做錯野，仲盡己所能，就算實習無錢都無揸灘。但病房IC（in charge）100%當我地係HCA，只會無限點走我地去做姐姐野，唔俾我地學nursing skills，如果唔係望返自己套制服同名牌，我仲以為我讀緊HCA course= =

大部分機會有新skills明明唔識又好想學，結果都換來三番四次被人趕返出去做HCA工作。

話說好難得搵到個好人miss，俾我地派藥打針，點知做到一半，呢個IC有少惡咁叫我地兩個「唔好打針派藥住先！！！快d同我搬左7號張床出黎！」哦，原來讀Nursing係唔使打針派藥既～後尾，呢個IC同教我地個miss講: 「你做咩教佢地啫，唔好教啦」，好人miss: 「算啦，佢地都唔係好衰啫」點解自己唔肯教都要阻止人地教？唔通個個唔使學就自動波識哂？有時真係唔明，明明大家都做過學生，都經歷過唔識而好想學既階段，點解係都要唔教又唔俾其他人教學生？睇唔透亦想唔通。

我地有自知之明，唔會向高難度挑戰（eg： 唔會R miss俾我地off drain），只係想好似粒小薯仔咁under guidance去學下跟case。但連一d簡單而我地又做到既工作都唔俾，結果變成sister去off Foley，HCA姐姐take obs同H'stix，學生餵餐餵藥俾pan收pan同round片...我唔係介意呢d工作，但我就畢業，我想對得住個RN licence，對得住我既病人，唔想出到黎成舊雲咩都唔識，但呢度就偏偏唔教...最可笑既係將來staff左，呢班人又會冷嘲熱諷地mean一句「有無攪錯，咁都唔識～」

唉...出到有點灰有點depressed，有時寧願你俾我做，做得唔夠好而鬧爆我，我唔會怨，我會改先會進步，但依家連做既機會都無，so sad。
好彩呢個世界仲有一種關係叫wardmates，互相撐下大家，捱多4.5星期！再破地獄既感覺好興奮，一定係～加油！

日期：8 March 2016

［隔離病房］誰能辯真假？

一位80多歲的婆婆平日對答如流，又十分合作，不知道內情原以為是正常的婆婆，誰料....

［事件一：100多歲的媽媽？］
護士：「婆婆，依家幫你打胰島素呀～」
婆婆：「今朝打左啦」
護士：「下！！邊知幫你打呀？」
婆婆：「我呀媽今朝幫我打左啦～」
護士（心諗）：「呀婆你都80幾啦，你呀媽仲健在之餘仲幫到你打針...」

［事件二：消失了的尿尿？］
我：「婆婆，你好耐都未屙尿喎，幫你碌個肚仔（膀胱）睇下多唔多尿」
婆婆：「好呀～唔該姑娘～」
我：「婆婆，你依家急唔急尿架？入到黎有無屙過？」
婆婆：「入黎無屙過呀（咁又答到喎）～但昨日係急症室屙濕過，好濕，無人幫我，我自己換左」
我：「下！你自己換片！？...」

和dementia（腦退化症）的病人對話，小心被騙過去...但他們都是很可愛的寶寶

日期：17 Feb 2016

［隔離病房］暴風雨的前夕，總是寂靜得可怕

是日一返工已feel到不對勁的氣氛，人人都一面疲憊，但交更過後又再回復平靜。

隨著時間一點一點地逝去，這種寂靜的安寧來得愈來愈不尋常。
Wardmate：「你覺唔覺得個氣氛好奇怪？」
我：「覺呀！十足十暴風雨的前夕」

未己，這場風暴開始暴發....

亂到不行了的伯伯又再瘋狂咬住纏繞著他的安全磁石手帶（以防他拔掉身上的鹽水豆，今早他已血染全身全床加玻璃窗加簾子），一邊咬一邊嚎叫，活像月下變幻成人狼的場面。為了他的安全，不得不再力搏呀伯，但兩個女生的力量，又怎及得上一個中氣十足而又發了狂的人狼？旁人看了不禁替我們感到無奈。而伯伯神智不清的對話令他們哭笑不得，一時要取刀，一時又要剪刀，這一刻說想要一隻手錶，下一刻又說自己有五六隻手錶，我兩在力搏呀伯，他們在旁竊竊列嘴而笑。
旁人：「兩個女仔邊夠力架，搵個男護士啦」但病房哪有這麼多男同事，我已經是最大隻的女同事==
結果呀伯成功金蟬脫半殼，一支手得到「釋放」，更努力想釋放另一隻手，我們一方面不敢太大力，一方面又要用力拉住他。呀伯見形勢不妙，另出高招，我感覺到手臂與伯伯的牙齒和口水有親密的接觸，他竟然出口咬我！幸好久經訓練（我常常險被病人咬/打/mit ==），以零點幾秒之差避過一咬==然後給伯伯帶上口罩以防第二擊...
到最後大家都制服不到伯伯，唯有等待他的孫來處理，在孫仔面前，伯伯馴如羔羊，是一物治一物？

正當以為風暴已過，原來還有另一場風波，7pm才去ICU（深切治療部）接新病人...忙了一大輪才被發現未吃晚餐，但只可以匆匆吃完又回去收拾爛攤子...

故事教訓我們，不要心存邪念，一日未收工，都未是可以說「應該做完架啦」如此大逆不道之說話...辛苦今晚返night的職員...明早我們又要接回這個場，希望不再是如斯混亂...

日期：3 Feb 2016

［隔離病房］窮得只剩下爛命一條來還adrenaline的債

雖然只是廿x歲，但感覺到自己在變老...從前可以連返三條A再直落開會/年宵守攤到12點，回家睡3hrs再5am起來返實習，依然捱得住～但現正追一個PA更就累得要命，累到回家只想睡覺，是一種累到明知身上沾滿了病房細菌都只換套衣服直接攤上床睡覺的疲憊（我認我污糟，但已習慣與細菌共存的人生@@相信老來的我是滿載MRSA VRE Scabies等等的人狼）這應該就是傳說中的「唔chur唔知身體好」吧～

雖然很累，但每次入病房都頓時注滿adrenaline（腎上腺素）！只是每次停下來都累透了，這應該是借得太多adrenaline所帶來的副作用吧？如果adrenaline借了要還，恐怕我窮得只剩爛命一條來償還債務，所以前輩們都說「前世做錯事，今世做護士」？

不過我還是很喜歡病房的工作，喜歡這種使命感和滿足感～

Long con小jj們加油！還有11星期的實習，然後完勝TPC取得註冊護士牌照吧！

Btw，今日見到這段分享，表示甚為認同！TPC是total patient care而不是total paper care，病人是我們照顧的對象，而不是奪A的工具...
"Remember: really stupid people sometimes get A's, because they worry so much about getting good grades that they forget about things that may be more important in life."

日期：3 Feb 2016

［隔離病房］到底是誰發明了PAN這個變態的更表？

到底是誰發明了PAN這個變態的更表？
星期一返P，1400-2120
星期二返A，0700-1420
星期二再返N，2100-0700
星期三0700正式收工...

話說AN訓唔到，星期一晚睡了3hrs，就到現在收工已27hrs沒睡，幸好第一個night part著同樣白底的wardmate，一入場已full house，是夜不用收症，大為滾動！可以派藥打針睇排版，仲有爺爺教書（雖然在失去一半靈魂狀態的4am教cardiac...）。全場比較ill的case也DNR（不用搶救）了，見證著螢幕上的心跳由150跌到0，然後跟醫生去certify病人...對婆婆而言，應該是種解脫。

親身打破「返night食雞翼會忙到飛起」的傳聞，應該係人既因素，食完雞翼，再食壽司同皮蛋，一樣白場（沾沾地暗舉勝利手勢）～

帶病返通宵已元氣大傷，由少咳漸惡化到講不出聲...呢一行周不時要以一個病人既身份照顧另一班病人。難為要班叔叔婆婆聽我把爛到不行了的聲音，收工個陣叔叔仲同我講「唔該哂姑娘，多謝哂你，你把聲咁，飲多d水啦，同返去好好休息下XDD」
然後我用把爛聲回一句「我會飲多d水架啦，但你限水就記住唔好似咁多～」
叔叔同我對視而笑😂返實習好攰，但好開心😊
收工訓陣再睇醫生啦...晚安～

日期：27 Jan 2016

［隔離病房］有人歡喜有人愁，這就是醫院

醫院是個很特別的地方，小小的一個空間，有齊生老病死，悲歡離合，見盡人生百態，教人一夜成長。

這邊廂見到婆婆狀況一日比一日好，由起初呆呆滯滯，到今日見到我們就會笑，也終於聽得懂和答得出問題，連家人都笑婆婆，見到護士就笑，見到家人反而吝嗇笑容。哈哈！這是個對護士們很窩心的婆婆☺而家人一句「唔該哂姑娘，多得你地咁有心照顧佢，佢愈來愈精靈」，這就是很大的鼓勵和安慰！

但另一邊廂，相隔只有一間房，叔叔的情況愈來愈差，由半精神到現在甚疲累的樣子，血壓一次比一次差，收工時低至7x/4x（正常：100-139/60-89）。叔叔仍然清醒，告訴我他的女兒也是當護士，明白這是辛苦的工作。也許是一種明白，會更懂我們的忙和難處，每次幫他量完血壓，他都很有禮貌地道謝。

護士不是要斤斤計較病人/家屬有無有感謝我們的幫忙，但每一句道謝都是一種明白和鼓勵，是那一天工作動力的來源，多累也值得。但有時遇到不講理的病人/家屬，以為我們很清閒，又或者照顧不周（要知道這不是私家醫院！），這下子變成夾心出氣袋，實在洩氣

很期待正式畢業變成註冊護士，可以involve更多patient care，脫離主要做take obs（維生指素）的機械式工作！still have 13weeks to go！加油！

日期：20 Jan 2016

［隔離病房］消失了的假牙？

一位肺結核婆婆住獨立病房，因為傳染性高，每次入去都要戴N95，所以不必要都不會入去。

叫人鐘又響了～門外戴好N95入房仔...

婆婆：「姑娘，我唔見左幅假牙呀，頭先明明仲係盒仔度😭😭」
一眼看枱面上沒有，地面又沒有，正想離開時想起...
我：「婆婆，你依起棚牙黎睇下啦」
婆婆四萬咁口依起棚牙😁
我：「😂婆婆，幅假牙係你個口入面呀😂」
婆婆：「（四萬咁口
😁係喎，真係大懵，頭先食飯戴左唔記得除添😂唔該哂姑娘☺☺」

好可愛的婆婆

日期：15 Jan 2016
😂😂