［泌尿科］遇上真正的地獄

野可以亂食，說話唔可以亂講...我唔敢再話自己白底啦（白底=唔黑仔，有白底人的地方，都唔會忙），我感覺到自己身上既黑氣愈來愈強，好彩呢個開始黑既人依家生存在一個好天堂既ward

是日又一個只是毒J的日子，每次都見到對更的有一兩個TUNS一兩個students的時候，點解每次我返工都係得我一個？今日都算有個返day的TUNS同學，，佢未走，一切都好和平～但佢一走，我就開始好忙...

30mins內transfer 3個cases去傳說中的地獄，更遇上聞名的地獄miss...
Transfer完case當然要交下更（交代病人的病況）我拎好哂文件走去nursing station，好人miss帶點heaitation的語氣：「你...入去...同格主（負責那一格病人的護士）交更啦...」
好啦，咁我拎哂野入格，已經feel到格主既氣燄同躁熱...格主其實正在填水紙（吊鹽水/糖水要填返少少簡單資料，簽個名）
我：「唔好意思呀miss，我依家可以同你交更嗎？」
Miss西我面，極躁底，好惡：「你見唔到我依家好忙既咩！！你出去同IC（in charge）交更！」
好啦，咁我拎返d野出去搵IC，原來今日IC係sister（女護士長）
Sister一面錯愕：「下！？點解唔同格主交？」
我：「唔好意思呀，入面miss叫我出黎同IC交」
Sister B：「下！唉～又係佢，今日特別躁，（同sister A打眼色）你都係安撫左入面個件（躁底miss）先啦」
Sister A：「唉～」
兩位sisters竊竊私語左一陣
Sister B：「你同同學仔一齊入去，當住佢面一齊交更啦」
所以我就交上交啦，好彩有sister旁住我🙈感覺上呢個RN（註冊護士）連sisters都買佢怕

當我上返自己既病房，淨係講左句：「我返黎啦」，眾位miss Ar sir都表露一面替我可憐的眼神話「你...落到去...ok Ma？佢地有無為難你？」從佢地說話既語氣，就好似佢地覺得心有愧，將個學生送左入虎口入地獄被鞭打被躁底被西面...
因為呢度d staff好好，我輕輕講左句：「都ok既，只係個miss有少少躁底咁」「哦～佢係咪xxxxx（一堆外形上的描述）？」「係呀」
staff用誠懇的眼神：「唔該哂你呀同學仔！」再加一個加油的肯定眼神

原來...這才是地獄，比起上次係威記出的地獄更地獄...可怕的地方，呢個地獄只因一人而起，因為個度其他staff都好好，就好似個度既sisters好nice，一個會好friendly咁陪我去同躁底miss交更，仲教我野；另一個就好攪笑咁叫我做BB「BB，我整埋呢個就俾你架啦」

tuns同學走左之後，個ward開始忙，突然殺出一個dressing（洗傷口），dress完連document都未寫就要插一條urgent Foley（尿喉）落OT（手術室），兩件事都只係20mins內發生同完成，突然覺得原來我做野都可以快。插urgent Foley有dd壓力，因為真係urgent既，要做urgent surgery，urgent到我插到一半突然有個男人問都唔問，拉開左個簾衝入黎，我呆左一秒，原來係麻醉科醫生，佢為病人作麻醉風險評估，又簡介左麻醉既存在風險。所以...就食飯前15mins又去左送case落OT。

今日送左四個cases，有三個都係去同一個地獄ward...連個度既sisters見到我都話：「又係你，辛苦哂啦同學你，一個鐘都唔夠就走幾轉」再重申，其實呢個地獄真係因一人而起，其他都好好....呢層令我諗起自己既ward，我個ward d staff真係超級好，簡直係天堂☺️每日返工都無壓力，返得又開心又學到野☺️☺️攪到我有鐘意左原來唔太喜歡的泌尿外科🙈有99%的喜歡係因為呢度既staff☺️☺️

因為做左有咁上下既時間，好開心有staff會記得同叫我個名，會同我傾計，會叫我同佢地一齊食晚飯一齊睇電視😂😂好正呀！好幸福呀！

日期：28 Feb 2015